“Caboverdianas en
Burela (1978-2008) – migración, relacións de xénero e intervención social”
de
Luzia Oca González
Premio Vicente
Risco de Ciencias Sociais - 2014
O marco teórico
principal que guía este traballo sitúase na confluencia das teorías articulacionistas
e feministas, partindo da consideración de que os procesos migratorios son
procesos xenerizados, mediatizados por relacións de poder, nos que os traballos
femininos adoitan ser desvalorizados socialmente, ocultando a calidade de
suxeitos activos das mulleres migrantes. Preténdese non só seguir a tradición
dos estudos sobre xénero e migracións que colocan a énfase nas discriminacións
sufridas polas mulleres inmigrantes, senón tamén na que as mostra como actoras
sociais, con capacidade de axencia e de despregar estratexias que poñen en
conxunción orixe e destino, construíndo redes no espazo transnacional.
O traballo de campo
no que se basea esta investigación foi realizado en Burela dende 1998, con
algúns períodos de ausencia, mais cunha continuidade determinada por ser lugar
de residencia da autora. A súa primeira viaxe a Cabo Verde en 2000 foi seguida
de moitas outras, tendo viaxado ao arquipélago todos os anos agás dous até
2013, ano de conclusión da tese de doutoramento que serviu de base para o
presente volume.
Luzia Oca González
é Doutora en Antropoloxía Social pola USC, coa tese: “Caboverdianas en Burela
(1978/2008). Migración, relación de xénero e intervención social”. Docente da
Universidade de Tras-os-Montes e Alto Douro (UTAD) desde 2004, o seu traxecto
profesional tense repartido entre a docencia, a investigación e diversos
proxectos de intervención social baseados en metodoloxías participativas com
perspectiva de xénero, en Galiza e Cabo Verde.
Sem comentários:
Enviar um comentário